Qeveria franceze ka nisur një valë masive “masive dhe të paparë” për të luftuar atë që ata e quajnë “ekstremizëm” fetar, ka thënë Ministri i Brendshëm, Gerald Darmanin, duke shtuar se 76 xhami dyshohen për “separatizëm”, transmeton Insajderi.
Darmanin të enjten shkroi në Twitter intervistën e tij me radion RTL, duke shkruar: “Në ditët në vijim, do të kryhen kontrolle në këto vende të adhurimit. Nëse ndonjëherë këto dyshime konfirmohen, unë do të kërkoj mbylljen e tyre”, ishin fjalët e Darmanin, raporton Al Jazeera.
Ai gjithashtu tha se 66 emigrantë të pa dokumentuar të dyshuar për “radikalizëm” ishin depërtuar. Qeveria e presidentit francez, Emmanuel Macron, u është përgjigjur disa sulmeve vdekjeprurëse në javët e fundit me një premtim për të goditur atë që Darmanin ka thënë se është “armiku brenda”.
Në tetor, Macron paraqiti një plan për të trajtuar atë që ai e quajti “separatizëm islamik”, pasi ai e përshkroi Islamin si një fe në krizë në të gjithë botën – komente që shqetësuan myslimanët në Francë dhe në të gjithë globin.
Franca është shtëpia e popullsisë më të madhe të pakicave myslimane në Evropë, dhe disa kanë frikë se do të ndëshkohen kolektivisht pas një serie sulmesh në muajt e fundit.
Më 20 tetor, Franca urdhëroi mbylljen e përkohshme të një xhamie jashtë Parisit si pjesë e një goditje ndaj njerëzve që dyshohen se nxisin urrejtje, pas vrasjes së mësuesit Samuel Paty, i cili kishte treguar karikaturat e tij në klasë të Profetit Muhamed.
Xhamia e Madhe e Pantin, në një periferi me të ardhura të ulëta në periferi të verilindjes së kryeqytetit, kishte shpërndarë një video në faqen e saj në Facebook para sulmit që shfrynte urrejtjen ndaj Paty, të cilit iu pre koka në mes të ditës pranë shkollës së tij.
Franca ka mbyllur gjithashtu dy organizata – bamirësia myslimane “BarakaCity” dhe një grup i të drejtave civile që monitoron krimet e urrejtjes – “Kolektivi Kundër Islamofobisë në Francë” (CCIF); të dy kanë hedhur poshtë akuzat e qeverisë se ata kishin lidhje “radikale”. /Insjaderi.com
76 mosquées sont aujourd’hui soupçonnées de séparatisme.
Dans les prochains jours, des contrôles vont être menés sur ces lieux de culte.
Si jamais ces doutes sont confirmés, je demanderai leur fermeture. pic.twitter.com/Mq8DGnB2Pr— Gérald DARMANIN (@GDarmanin) December 3, 2020
