Nëntori është “Muaji Kombëtar i Birësimit”, një kohë për të rritur ndërgjegjësimin për të gjithë fëmijët që kërkojnë shtëpi të përhershme, njofton Insajderi.
Të famshmit janë pjesë e këtyre statistikave të të birësuarve. Nga Nelson Mandela deri te Ice-T, shikoni më poshtë se cilat nga fytyrat tuaja të preferuara të famshme u rritën nga prindër jo-biologjikë.
Keegan-Michael Key ka thënë se ai ka “shumë prindër”.
Key, në një episod të podcastit të Pete Holmes “You Made It Weird”, i tha komikut se kishte “shumë prindër”. Ai u birësua në lindje nga një çift i cili më vonë do të divorcohej – babai i tij birësues më pas u martua përsëri, dhe ai u bë i afërt edhe me njerkën e tij gjithashtu.
Në moshën 25 vjeçare, Key atëherë “kishte një ribashkim me nënën e tij biologjike”.
Ray Liotta dhe motra e tij u birësuan të dy.
Ai tha për “The Guardian”, “Isha vërtet mirënjohës që u birësova”.
Marilyn Monroe lëvizi rreth sistemit të strehimit kujdestar në Kaliforni për shkak të paaftësisë së nënës së saj biologjike për t’u kujdesur për të.
Nëna e Monroe luftonte me sëmundjen mendore dhe babai i saj ishte i panjohur, duke e lënë atë të pa shtëpi deri në moshën 11 vjeçare. Ndërsa disa familje shprehën interes për ta birësuar, nëna e saj nuk i firmoste letrat. Ajo përfundoi duke u transferuar te shoqja më e mirë e nënës së saj, Grace, dhe më vonë tezja e saj e madhe Olive. Në moshën 16 vjeçare ajo u martua me fqinjin e saj 21-vjeçar, James Dougherty.
Steve Jobs nuk i takoi kurrë prindërit e tij biologjikë.
Prindërit biologjikë të Jobs, Joanne Schieble dhe Abdulfattah Jandali, një emigrant sirian, ishin të pamartuar kur ai u ngjiz, dhe prindërit e Schieble nuk e miratuan marrëdhënien e tyre. Schieble udhëtoi fshehurazi në San Francisko për të lindur Jobs, ku u adoptua nga Paul dhe Clara Jobs.
Në moshën 27 vjeçare, Jobs zbuloi se ai kishte një motër biologjike, Mona Simpson: Prindërit e tij biologjikë ishin martuar dhe kishin lindur një vajzë dy vjet pasi e dhanë për birësim. Ai takoi motrën e tij biologjike dhe e quajti atë miken e tij më të mirë Sidoqoftë, ai kurrë nuk e ndjeu të nevojshme të takonte prindërit e tij biologjikë dhe i konsideroi Jobs-ët prindërit e tij të vërtetë.
Aktorja Frances McDormand u adoptua nga një pastor dhe gruaja e tij. Vjet më vonë, ajo birësoi një djalë së bashku me bashkëshortin e saj.
McDormand u adoptua nga Noreen dhe Vernon McDonald kur ajo ishte vetëm 1 vjeç (ajo e quajti nënën e saj biologjike “plehrë të bardhë”). McDonalds tashmë kishin rritur nëntë fëmijë të tjerë, por zyrtarisht kishin adoptuar vetëm tre. Babai i saj birësues ishte një pastor për Dishepujt e Krishtit dhe i dha asaj një “barometër moral”.
McDormand dhe burri i saj, Joel Coen, adoptuan djalin e tyre Pedro nga Paraguai në vitin 1995 kur ai ishte 6 muajsh.
Babai i adoptuar i stilistes Nicole Richie është këngëtari i njohur Lionel Richie.
Richie u adoptua nga Lionel dhe Brenda Richie jo zyrtarisht kur ajo ishte 4 vjeçare, dhe zyrtarisht kur ajo ishte 9 vjeçare. Prindërit e saj biologjikë, Karen Moss dhe Peter Michael Escovedo, ishin miq me familjen Richie dhe po kalonin trazira personale dhe financiare kur Lionel u kërkoi kujdestarinë e vajzës së tyre.
Bill Clinton u adoptua nga njerku i tij pasi babai i tij biologjik vdiq në një aksident.
Babai i ish-presidentit, William Blythe, vdiq në një aksident automobilistik tre muaj para se Bill Clinton të lindte. Clinton pastaj mori mbiemrin e njerkut të tij Roger Clinton kur ishte adoleshent.
Në moshën 37 vjeçare, Jack Nicholson u trondit kur zbuloi se gruaja që ai besonte të ishte nëna e tij ishte gjyshja e tij… dhe se motra e tij ishte në të vërtetë nëna e tij.
Nëna biologjike e Nicholson ishte 17 vjeçare kur lindi atë, kështu që ajo kërkoi nga nëna dhe babai i saj që të merrnin Jack dhe ta rrisnin për vete. Ata ranë dakord dhe Jack nuk e zbuloi të vërtetën derisa ishte 37 vjeçar, një dekadë pasi nëna dhe gjyshja kishin vdekur.
Jamie Foxx u adoptua nga gjyshërit e tij.
Foxx, i lindur Eric Marlon Bishop, u adoptua nga gjyshërit e tij nga ana e nënës kur ishte më pak se një vjeçar, pasi martesa e prindërve të tij u prish.
Nelson Mandela u adoptua nga një shef i një fisi tjetër pasi babai i tij vdiq nga sëmundja e mushkërive.
Mandela, një revolucionar anti-aparteid dhe ish-president i Afrikës së Jugut, ishte vetëm 9 vjeçar kur babai i tij vdiq nga sëmundja e mushkërive. Ai u adoptua më pas nga Shefi Jongintaba Dalindyebo i popullit Thembu si një favor, pasi babai i Mandela kishte rekomanduar Dalindyebo që të emërohej shef. /Insajderi.com
Burimi: Insider
