Drama televizive historike turke Dirilis Ertugrul (Ngjallja e Ertugrul) krijoi interesim të madh në Pakistan që kur transmetuesi shtetëror filloi transmetimin e një versioni të dubluar në prill, shkruan BBC, transmeton Insajderi.
Popullariteti i pamasë i shfaqjes ka mendime të polarizuara në Pakistan. Disa mendojnë se është një kërcënim për kulturën lokale dhe promovon dhunën, ndërsa të tjerët e duartrokasin atë për lavdërimin e heronjve myslimanë.
Por nuk janë vetëm të famshëm dhe analistë që po komentojnë shfaqjen – politikanët e vendit janë gjithashtu të përfshirë në mënyrë aktive në debat.
Kjo nuk është drama e parë turke që është bërë e njohur në Pakistan. Por ajo që është e ndryshme për Ertugrul – e përshkruar shpesh “Game of Thrones” myslimane – është se po promovohet nga Kryeministri Imran Khan, për arsye që mendohet të jenë edhe personale dhe politike.
