Gani Thaçi, vëllai i presidentit të Kosovës, Hashim Thaçit, ka thënë se i arrestuari nën dyshim për posedim të lëndëve narkotike – heroinë, Enis Qerka, nuk është shoferi i tij.
Por, Gani Thaçi nuk ka mohuar afërsinë e tij me Enis Qerkën. Ka thënë se Qerka është punëtor i Byrosë Kosovare të Sigurimeve; institucion në të cilin Thaçi ka pushtet dhe ndikim të madh.
“Emri im është lakuar sot nëpër portale se gjoja shoferi im është arrestuar, unë dua ta demantoj se Enis Qerka nuk është shoferi im. Enisi është punëtor i Byrosë Kosovare të Sigurimit që 6 vite në pozitën e shefit të logjistikës”, ka thënë Thaçi për Arbresh.info. “Enis Qerka nuk është shoferi im”.
Thaçi ka shtuar gjithashtu se rasti ka ndodhur në ditë vikendi. “Ky rast ka ndodhur të shtunën për të cilën unë nuk marrë përgjegjësi, Enisi nuk ka qenë me veturë zyrtare “, ka thënë ai.
Thaçi ka thënë se nuk merr përgjegjësi për veprimet e askujt. /Insajderi.com
