Pas lajmit se Qeveria në detyrë ka emëruar bordet e disa ndërmarrjeve publike, e ku në mesin e tyre ka edhe anëtarë e kandidatë për deputet nga radhët e Vetëvendosjes, ka edhe reaguar edhe gazetari Muhamet Hajrullahu.
Hajrullahu ka ironizuar me Vetëvendosjen duke i pyetur se a nuk ishin kundër ç’kapjes.
“I paska mbush VV-ja bordet e ndërmarrjeve publike me partiake e militantë. Çka ndodhi kështu? A jeni kundër ç’kapjes a jo?”, ka shkruar Hajrullahu në llogarinë e tij në Facebook, përcjell Insajderi.
Njëri nga vendim që është marrë në mbledhjen e Qeverisë në detyrë, ka të bëjë me shkarkimin e Bordit të Drejtorëve të Ndërmarrjes Publike Qendrore Kompania Rajone e Ujësjellësit “Prishtina”.
Menjëherë pas shkarkimit, Albin Kurti e ka emëruar bordin e përkohshëm të kësaj Ndërmarrjeje. Ky emërim është bërë fare pa konkurs dhe fare pa konsultë me kompaninë britanike që ishte caktuar për të mbikqyrur procesin e të përzgjedhurve.
Kryesues i këtij Bordi dhe drejtor është vendosur një ish kandidat i VV-së për deputet, Mentor Hyseni.
Vendimi tjetër i sotëm i Kurtit është shkarkimi i Bordit të Drejtorëve të Ndërmarrjes Publike “Posta e Kosovës.
Po ashtu edhe në këtë ndërmarrje është emëruar Bordi i Përkohshëm.
Kryesues dhe drejtor i këtij Bordi është emëruar Mentor Arifaj.