Gazetarja e njohur nga Shkodra, Anila Dushi, nuk ka arritur ta fitojë betejën më COVID-19, përcjell Insajderi.
Lajmin për vdekjen e Dushit e ka bërë të ditur kolegu i saj, Ardi Hoti.
Ai në një postim në Facebook, ka shkruar se përveç se një kolege e mirë, e ndjera ishte “nënë e dytë” për të.
“Covidi na mori një gazetare që përveç një kolegë e mike e mirë u kthye në një ‘nënë’ të dytë me këshillat që i jepte çdo kolegu gazetar. Pothuajse i gjithë brezi i ri gazetarëve në Shkodër u rrit në kompjuterin tënd. Aty gjenden fotot e gazetarëve që kur ishin ‘fëmijë’ e derisa u bënë me familje. E vështirë për këdo që të ka njohur, t’i thotë lamtumirë Anila Dushit” ka shkruar kolegu i saj, Hoti.
Mediat në Shqipëri raportojnë se Dushi ishte një gazetare e njohur me një karrierë të pasur, ku ka punuar në mediat lokale dhe kombëtare./Insajderi.com