Geoffrey Nice: Kam përgatitur materiale për mbrojtjen e personave nga Gjykata Speciale

Insajderi ka siguruar raportin e Komisionit Hetimor për cështjen e lobimeve.

Aty përmendet edhe letra e Geoffrey Nice, dërguar muaj më parë tek qeveria e Kosovës.

Në raport thuhet se Nice kishte thënë se: “me kërkesë, kam asistuar shkrimtarët e biografisë së Hashim Thaçit”.  Gjatë letrës, Nice tregon se është paguar nga Qeveria e Kosovës, dhe se në një pikë pagesat ndaj tij edhe ekipit të tij janë ndërprerë”, thuhet në raportin e komisionit hetimor.

Ky komision gjatë fazës së hetimit ka pranuar  katër kontrata të lotimit nga institucionet  përgjegjëse, por në asnjërën nga kontratat lobuese nuk figuron angazhimi i Geoffrey Nice.

Derisa këshilltarët e Thaçit në një moment kishin thënë që nuk ka raporte, ose ato nuk mund të vihen në dispozicion të Komisionit, në një intervistim të më vonshëm kishin deklaruar se raportet e disa lobimeve ishin veç “raporte gojore”.

Një detaj tjetër që ka përmendet në raportin e komisionit hetimor të siguruar nga Insajderi, në letrën e tij avokati Nice ka përmendur edhe një material për qeverinë e Kosovës kur Gjykata Speciale të nisë me aktakuzat e para.

“Në letrën e tij dërguar Qeverisë së Kosovë, Nice ndër të tjera, thotë se ka përgatitur një material për Qeverinë e Kosovës, kur Gjykata Speciale të fillonte aktakuzat e para. “Kemi punuar që qeveria e Kosovës të mund të përgatiste material ku askush s’do të kishte qasje, të cilat do të përdoreshin kur individë do të akuzoheshin nga Gjykata Speciale”, thotë ai në letrën e tij”, konstaton raporti i Komisionit Hetimor.

Dokumentarin e plotë mund ta shikoni këtu: