Gjashtë të vdekur dhe 143 raste të reja me Coronavirus janë shënuar së fundmi në Shqipëri, njofton Insajderi.
Kështu bën të ditur Ministria e Shëndetësisë dhe Mbrojtjes Sociale në këtë vend, të cilët informojnë se janë shëruar edhe 51 qytetarë, duke e çuar në tre mijë e 746 numrin e përgjithshëm të të shëruarve që nga fillimi i pandemisë.
“Mjekët e familjes në të gjithë vendin po monitorojnë çdo ditë personat aktivë me Covid19, që janë të izoluar në banesë. Në rast se jeni i prekur dhe keni shenja të lehta të sëmundjes, kontaktoni nëpërmjet linjës së gjelbër 0800 40 40 me mjekun tuaj të familjes.
Në rast se simptomat përkeqësohen, kontaktoni Urgjencën Kombëtare 127, e vetmja strukturë që bën referimin dhe transportin drejt spitaleve COVID”, thuhet tutje në njoftimin e MSH-së në Shqipëri. /Insajderi.com
