Prezantuesi kanadez i sportit, Dan O’Toole tha se vajza e tij një muajshe Oakland është gjetur e sigurt, disa orë pasi zbuloi se ajo kishte humbur, shkruan People, transmeton Insajderi.
Të enjten, personaliteti i televizionit, 44 vjeçar, postoi një fotografi bardh e zi të të porsalindurës në Instagram, duke shkruar se ai ishte “duke u lutur se kushdo që ka ty, po të mban. Që kush të ka marrë nga unë, është duke të mbrojtur. Kushdo që të ka, të të kthejë në krahët e mi.”
O’Toole – i cili është edhe babai i vajzave Ruby dhe Sidnej – që nga ajo kohë e ka përditësuar përshkrimin, duke shkruar se Oakland është gjetur “e sigurt”, megjithëse ai ende nuk ishte ribashkuar me të akoma.
“Foshnja ime Oakland është konfirmuar të jetë e sigurt. Unë ende nuk e kam parë atë “, ka shkruar ai. “Atyre që vendosën të më kritikonin gjatë kësaj periudhe, më tregoni këtë: a i keni shikuar ndonjëherë në sy e fëmijët tuaj dhe nuk keni qenë në gjendje t’u tregoni atyre se ku është motra e tyre, ose kur do ta shohin përsëri?”
“Ne jemi ende të thyer”, shtoi O’Toole. “Ne ndoshta nuk do të jemi kurrë njëjtë përsëri”.
Në një deklaratë, Departamenti i Policisë së Torontos tha për PEOPLE të enjten: “Në këtë moment, Departamenti i Policisë së Torontos nuk ka një raport të një foshnje të zhdukur që i përket Dan O’Toole. Nuk ka gjithashtu asnjë paralajmërim të kuq të lëshuar që ka të bëjë me këtë hetim”. /Insajderi.com
