Dyshohet se një bombë është gjetur sot në Prishtinë afër shkollës së mjekësisë, “Ali Sokoli”.
Rastin për Insajderin e ka konfirmuar edhe Policia. Daut Hoxha zëdhëndës në Policinë e Kosovës ka thënë se pak më parë ka marr një informat se tek rrethi i Flamurit të Prishtinës është gjetur një mjet i dyshuar.
“Ju konfirmoj se Policia ka pranuar informatën pak më parë se te rrethi i Flamurit ne Prishtinë afër shkollës Ali Sokoli gjendet një mjet i dyshimtë”, ka thënë Hoxha.
Hoxha ka shtuar policia menjëherë ka dal në vendin e ngjarjes dhe për informacione tjera do të njoftojnë me kohë.
“Menjëherë njësitet policore kane shkuar në atë lokacion, kanë bërë sigurimin e lokacionit dhe janë njoftuar edhe njësitet tjera kompetente policore që merren me raste të tilla. Për informacione tjera do të njoftoheni me kohë”, ka thënë Hoxha. /Insajderi.com