Gjithçka nisi me një deklaratë që në shikim të parë nuk dukej befasuese nga një anëtar i një partie opozitare.
Dardan Sejdiu tha dje se Kadri Veseli nuk është person unifikues për kryetar të Kuvendi.
Por kjo deklaratë nuk i pëlqeu aspak deputetes së zëshme të Partisë Demokratike të Kosovës, Ganimete Musliu.
Musliu menjëherë pas kësaj deklarate shkruajti në Facebook. Tha se Sejdiu vazhdon të mbetet më i butë se kolegu i tij “Skënderbeu”. Iu referua Fisnik Ismailit, deputet i VV-së.
Ajo u morë me të dy prindërit e deputetëve të Vetëvendosjes.
Musliu për babin e “Skënderbeut” tha se sillej me revole në Kosovën e vrarë të viteve 98-99.
“Baba i tij me alltia u endeke në Kosovën e vrarë të viteve 98-99 nga Millosheviqi atë kohë, e me leje të tij)”.
Ndërsa për nënën e Sejdiut ajo tha se si gjyqtare e Milloshoviqit vështirë se do t’i linte të gjallë Thaçin e Veselin po ti zinin në vitet e 90.
“Nënën e Sejdiut, gjyqtare e dhunshme e Millosheviqit në Kosovë, duke punuar deri në 1999, me kanë me nxënë Kadri Veselin dhe Hashim Thaçin të gjallë atëherë, nuk dihet a i kishin lëshuar të gjallë ndonjëherë prej gjyqit serb ku ka punuar. E lëre ma kryetar shteti apo kryeparlamentar”, kishte shkruar ajo.
Pas këtyre fjalëve që i dëgjoi Sejdiu ai paralajmëroi menjëherë padi ndaj Ganimete Musliut, por debati i nxehtë vazhdoi ende.
Kësisoj një gjeneratë e tërë e politikanëve të rinj u zhyten në një debat të vjetër.
Paralajmërimet e Sejdiut vetëm se e ndezën PDK-në. Për këtë çështje reagoi këshilltari i presidentit të vendit, Abelard Tahiri.
Tahiri ironizoi me Dardan Sejdiun, duke thënë se ai duhet ta sqarojë se cilat gjyqe i preferon.
“Dardan Sejdiu me gjithë qejf do ta padiste Ganën në gjyqin ku i ka punuar nëna deri më 1999. Nëse mbrëmë e kishte fjalën për padi, se kinse ka fyer ndonjë kolege të Danica Marinkoviqit (kjo e fundit kriminele e njohur e gjyqësisë serbe në regjimin e Millosheviqit, si dhe kolege pune e nënës së Dardan Sejdiut) dhe ka njollosur gjyqësinë serbe të asaj kohe, atëherë për Dardanin padyshim se ky do të jetë një gjyq i fituar dhe interesant!”, ka shkruar Tahiri.
Në gjithë këtë debat nuk u la i vetmuar Sejdiu, atij i ndihmoi edhe i involvuari në këtë debat Fisnik Ismaili nga Vetëvendosje.
Ismaili nuk u përmbajta fare duke eskaluar me gjuhë. Fillimisht ai tha: “Ganimute Mutliu, ta ha zemrën, se nanën garant e ki palidhje, tuk që e ka pjellë një krijesë si ti. E vazhdo ti ha mut për babën tem hala”.
E pas një orë ai vazhdojë përsëri.
“Ganimete, mbasi mu kape për babën e ndjerë, edhe shpife për to, nuk muj pa ta fajësue edhe unë ty babën, që s’e ka nxjerrë jashtë kur është dashtë, e i ka dhanë jetë një krijese si ti”, përfundoj Ismaili.
“Ti mos u prek, djali s’e zgjedh babën. Zaten as t’i nuk i zgjedh fjalët, të ka mbetë rremb prej Babës ndoshta”, shkruan ai.
“Unë kam fëmijë dhe si nënë do të doja që fëmijët ti ngjajnë Ganimetes e jo pasardhësve të bashkëpunëtorëve të Millosheviqit”, tha ministrja.
Këtë debat të paktën deri më tani e përmbylli ai që e nisi, Sejdiu publikoj në Facebook, padinë që i ka bërë Ganimete Musliut dhe këshilltarit të presidentit, Abelard Tahiri.
Bile ky tha se dëmshpërblimi që do të fitoj nga shpifjet do të shkojnë për të gjitha ata që u larguan nga puna nga regjimi i Millosheviqit.
