Të shtunën e javës që lam pas, Naim Sopaj nga fshati Mushtisht i Suharekës, qëlloi aksidentalisht me armë zjarri nipin e tij 14 vjeçar, Edin, duke i shkaktuar kështu vdekjen. Për këtë punë, Gjykatën Themelore në Suharekë, dy ditë pas tragjedisë, ka shpallur dënimin për vrasjen e cila ka ndodhur aksidentalisht në ahengun e familjes Sopaj në Mushtisht të Suharekës.
Xhaxhait të viktimës i është dhënë një muaj paraburgim. Lajmin e ka bërë të ditur, gjyqtari Robert Tunaj.
“Ndihet i fajshëm, pranon fajësinë. Megjithatë ligji funksionon. Ai deri më 14 maj do të qëndrpjë në paraburgim”, ka thënë Tunaj për Express.
Të shtunën e kaluar, një 14-vjeçar është vrarë aksidentalisht nga xhaxhai i tij. I mituri ishte vrarë gjatë një ahengu familjar, kur xhaxhai i tij kishte shtënë me armë duke plagosur edhe veten. E pavarësisht tragjedisë, kjo nuk ka ndikuar në prishjen e raporteve të familjes Sopaj nga Mushtishti.
Motra e të ndjerit, ka shkruar fjalë prekëse për xhaxhanë e saj, i cili vrau nipin.
“Xhaxhi pa marr parasysh se çka flasin njerëzit ti për ne je njeriu me i dashur muj me than qe edhe e zavendson vendin e prindit gjithçka ndodhi pa dëshirën tende ti si askush tjetër ja plotësove çdo dëshirë qe kishte Edi. Te dojm shumm Xhaxhi”, ka shkruar ajo.
