Një gjykatë turke ka dënuar me burgim të përjetshëm 74 persona, duke përfshirë edhe ushtarë, për përfshirje në grusht shtetin e dështuar që u zhvillua gjatë vitit 2016.
Më shumë se 240 persona, shumica civilë të paarmatosur, janë vrarë në mbrëmjen e 15 korrikut, kur një grup ushtarësh me tanke dhe avionë luftarakë u përpoqën që ta rrëzojnë nga pushteti Presidentin turk, Tayyip Erdogan.
Turqia ka fajësuar klerikun mysliman që jeton në Shtetet e Bashkuara, Fetullah Gylen, për grusht shtetin e dështuar dhe ka arrestuar rreth 160,000 persona për përfshirje në të, shkruan Euronews, transmeton Klan Kosova.
Ndërsa sipas ministrit të Brendshëm, ndaj 77,000 personave janë ngritur aktakuzat dhe tani po mbahen në burg për t’u gjykuar.
