Grenell për njohjen e Kosovës nga Izraeli: Ditë e mrekullueshme

Grenell për njohjen e Kosovës nga Izraeli: Ditë e mrekullueshme

Kosova dhe Izraeli zyrtarisht kanë formalizuar marrëdhëniet diplomatike mes vete, përmes një ceremonie virtuale ndërmjet krye-diplomates së Kosovës, Meliza Haradinaj-Stublla dhe ministrit të jashtëm të Izraelit, Gabriel Ashkenazi, njofton Insajderi.

Ish-i dërguari i posaçëm i ish-presidentit amerikan, Donald Trump për dialogun Kosovë-Serbi, Richard Grenell, e ka quajtur të hënën ditë të mrekullueshme.

Ai përmes një postimi në Twitter, falënderoi ministren Haradinaj-Stublla, ish-presidentin Trump, Ministrinë e Punëve të Jashtme të Izraelit dhe Sekretarin e Shtetit, Anthony Blinken.

“Një ditë e mrekullueshme. Izraeli dhe Kosova nënshkruajnë zyrtarisht marrëdhëniet diplomatike. Faleminderit, MelizaHaradinaj, IsraelMFA, Donald Trump dhe SecBlinken, për angazhimin tuaj për ta bërë sot një ditë me të vërtetë historike!”, ka shkruar Grenell./Insajderi.com