Banka Qendrore e Kosovës mbajti konferencë për media, ku temë ishte tarifa e vendosur nga kompanitë e sigurimeve.
Guvernatori i BQK-së, Fehmi Mehmeti, ka thënë se ky vendim është marrë “për të mbrojtur mbajtësit e polisave” dhe për t’i shmangur shkeljet ligjore.
“Këtë vendim e kemi marrë për të mbrojtur polisë mbajtësit”, tha Mehmeti.
Ndërkaq, zv.guvernatori Sokol Havolli, po ashtu tha se ky vendim për rritjen e tarifave, u bë për mbrojtje të klientëve.
“Duhet të kapitalizohet industria e sigurimeve”, tha ai.
“Duhet të kemi sektor të shëndetshëm të sigurimeve, kompanitë e sigurimeve duhet të jenë të gatshme të mbulojnë obligimet ndaj qytetarëve e të mos mbesin borxh”, shtoi ai.