Hakerë rusë kanë vënë në shënjestër organizata në Britani, SHBA dhe Kanada të përfshira në zhvillimin e një vaksine për coronavirus-in sipas zyrtarëve të lartë Britanikë.
Qendra Britanike për Sigurinë Kibernetike tha se kompanitë farmaceutike dhe grupet e hulumtuesve janë vënë në shënjestër të APT29 i cili thuhet se ka lidhje të ngushta me Kremlinin.
Zyrtarët britanikë nuk treguan nëse sulmet kanë qenë të suksesshme. Megjithatë thanë se kërkimet rreth vaksinës nuk janë kompromentuar.
Britania është në ballë të përpjekjeve për prodhimin e një vaksine të coronavirus-it ku janë përfshirë shkencëtarë e hulumtues të Universitetit të Oksfordit dhe Kolegjit Imperial të Londrës.
Është rast i rrallë që autoritetet Britanike të dalin haptazi dhe të akuzojnë një vend tjetër si pjesë e një skeme të koordinuar sulmesh kibernetike. Por sipas autoriteteve ata kanë bashkëpunuar ngushtë me autoritetet amerikane dhe kanadeze.
Grupi i hakerëve APT29 ka qenë aktivë prej vitesh dhe njihet në komunitetin e hakerëve si Cozy Bear ose Duket. I njëjti grupi përflitet se ka ndërhyrë në zgjedhjet Amerikane të 2016-ës dhe raportohet se është nën kontrollin e Shërbimit Rus të Inteligjencës FSB. /Insajderi.com
