Zëvendëskryeministri në detyrë, Haki Abazi, ka vazhduar me goditjet ndaj kryetarit të partisë që është në koalicion qeverisës, LDK-së, Isa Mustafa, të cilin e ka akuzuar për keqpërdorimin e fondit 3 për qind, shkruan Insajderi.
Abazi ka akuzuar presidentin Hashim Thaçi, ish kryeministrin Isa Mustafa se janë të sinkronizuar me presidentin serb Aleksandar Vuçiq, se po bëjnë komplot kundër shtetit me tendenca për të krijuar një qeveri servile dhe të pakurrizore me ndihmën e Listës Serbe.
Numri dy i qeverisë në detyrë ka thënë se Mustafa ka keqpërdor fondin e 3 për qindëshit, duke e kthyer atë në OJQ të UFORK, derisa Thaçin për ndarje të veriut.
Postimi i plotë i Abazit:
Sinkronizimi Thaçi- Mustafa dhe Vuçic po vazhdon; komploti kundër shtetit me tendencën për të krijuar qeveri servile, kryeministër të kapur e pakurrizor të përkrahur edhe me votën e Listës Srpska.
Veriu që 20-vite është lënë që të përdoret si kartë për të mbuluar keqbërjen e tyre.
Veriu është i ndarë, sepse Thaçi e ka ndarë dhe e ka mbajtur të tillë për 20-vjet.
Mustafa ka qenë i vetmi ministër i financave, i cili me mandat kushtetutes ka mbledhur fondin e 3% dhe po ai, bashkë me Bukoshin, ato financa i kanë kthyer në OJQ të UFORK. Tani vazhdojnë me propagandë e në bashkërëndim me ata që po ashtu kanë keqpërdorur fondin “Vendlindja thërret”.
Këtyre nuk ju leverdis zbatimi i ligjit e as hapja e dosjeve nga e kaluara.
Të gjitha këto veprimet që po bëjnë janë kundër vullnetit të popullit, kundër interesit të shtetit të Kosovës dhe kundër projektit për shtet ligjor, demokratik, të zhvilluar e të integruar në strukturat Euro-Atlantike. Këta na kanë katandisur në këtë gjendje të mjerë.
Çfarë duan tani? Ta bëjnë edhe më keq nga ç’është, të përfitojnë akoma? Nuk munden më të mashtrojnë as popullin, as Evropianët e as Amerikanët.
Kosova dhe qytetarët flasin me dhe nëpërmjet qeverisë së tyre legjitime dhe kryeministrin Kurti. Insajderi.com
