Shefi i Grupit Parlamentar të AAK-së, Daut Haradinaj ka folur rreth mocionit të mosbesimit ndaj qeverisë Kurti të nisur nga LDK.
Haradinaj në një intervistë në RTK, ka folur rreth asaj se çfarë përmban ky mocion.
“Thirrësi i mocionit e ka të drejtën që ta përshkruajë justifikimin, aq më tepër kur kemi të bëjmë me një partner të koalicionit”, ka thënë Haradinaj.
Ai ka shtuar se AAK i ka dhënë disa vërejtje, të cilat janë marrë parasysh.
“Ne i kemi pasur disa vërejtje rreth përmbajtjes, i kemi përmirësuar”, ka shtuar ai.
“Në mocion nuk figuron çështja e taksës, kryesisht ka të bëjë me prishjen e marrëdhënieve me SHBA dhe prishjet e raporteve mes partnerëve në qeveri”, theksoi Haradinaj.
