Haradinaj ngushëllon familjen e nënoficerit të FSK-së

Haradinaj ngushëllon familjen e nënoficerit të FSK-së

Kryeministri në detyrë i Kosovës, Ramush Haradinaj, dhe ministrin e Mbrojtjes, Rrustem Berisha e Komandantin e FSK-së, gjenerallejtënant Rrahman Rama kanë ngushëlluar familjen e nënoficerit të ndjerë Baki Ejupi.

Me këtë rast, Haradinaj tha se përherë do të kujtojmë dhe respektojmë veprën e kontributin e Ejupit si luftëtar i UÇK-së dhe i FSK-së.

“Kosova përherë me nder e krenari, do ta kujtojë e respektojë veprën dhe kontributin e çmuar të Ejupit, si luftëtar i Ushtrisë Çlirimtare të Kosovës dhe si pjesëtar i ushtrisë së Kosovës”, shkroi Haradinaj.