Kryeministri i Kosovës, Ramush Haradinaj ka mbajtur një konferencë për media pas mbledhjes së qeverisë.
Duke folur për vitin e parë të qeverisjes, Haradinaj tha se gjatë kësaj kohe i ka dhënë rëndësi punëve të shtëpisë.
“Ne gjatë gjithë këtij viti rëndësi i kemi dhënë punëve të shtëpisë, qeverisëse. Sa i përket Dialogut, është një temë e rëndësishme, kemi interes në këtë temë, e kemi propozu z.Limaj dhe shpresojmë që edhe opozita do ta jep përkrahjen. Kemi pas kundërshtime nga opozita dhe lista serbe të shohim si do rrjedhin gjërat”, ka thënë Haradinaj.
Ai komentoi sërish mundësinë e ndryshimit të kufijve. Vlerësoi se këto ide janë lojëra të rrezikshme.
“Unë para një kohë e kam pas mundësi që Qeveria e vendos temë të ndajë mjete për parkun e paqes për në Preshevë. Ne do ta mbajmë vëmendjen gjithmonë atje, sa i përket këtyre temave është zbatimi i Kushtetutës së vendit, ajo na obligon në territor edhe në kufi. Unë mbaj pozicion të rezervuar për gjëra tjera, i përmbahem Kushtetutës së vendit. Është eksperiment i rrezikshëm loja me kufijtë”, ka deklaruar kryeministri Haradinaj. /Insajderi.com
