Ministrja e Punëve të Jashtme dhe Diasporës, Meliza Haradinaj-Stublla, ka pranuar letër urimi për festat e fundvitit nga presidenti amerikan, Donald Trump dhe Sekretari i Shtetit, Mike Pompeo, njofton Insajderi.
Përmes një postimi në llogarinë e saj në Twitter, ajo tha se “ishte e nderuar të pranojë urimet më të mira për këtë sezon festash”.
Haradinaj-Stublla u shpreh se populli i Kosovës është i bekuar me lidhjen që ka me Shtetet e Bashkuara të Amerikës.
“E nderuar që marr urimet më të mira për këtë sezon festash nga Presidenti Donald Trump dhe Sekretari i Shtetit, Mike Pompeo. Populli i Kosovës është i bekuar me lidhjen speciale me SHBA-në”.
“Zoti i bekoftë Shtetet e Bashkuara dhe popullin Amerikan me prosperitet të vazhdueshëm, shëndet të mirë dhe dashuri”, ka shkruar kryediplomatja kosovare.
Ndryshe, dje edhe ushtruesja e detyrës së Presidentës të Kosovës, Vjosa Osmani, ka pranuar një urim për festat e fundvitit nga presidenti aktual i SHBA-së, Donald Trump./Insajderi.com
Honoured to receive best wishes for this holiday season from @POTUS & @SecPompeo.
People of #Kosovo are blessed with the special bond w/ the #US.
🇽🇰♥️🇺🇸
God Bless the United States and the American people 🇺🇸 with continued prosperity, good health, and love. pic.twitter.com/v0V1pgJn2m
— Meliza Haradinaj (@MelizaHaradinaj) December 21, 2020
