Njëri ndër filmat më të popullarituzar të historisë amerikane të filmit, “Gone With the Wind”, është larguar nga platforma amerikane HBO Max. Ky veprim i gjigantit amerikan, erdhi pasi që në vazhdën e protestave anti-raciste, kompanisë po i bëhej thirrje ta largonte nga platforma këtë film, shkruan BBC, transmeton Insajderi.
HBO Max ka deklaruar se filmi i 1939-tës, ishte “produkt i kohës” dhe se përshkruante “paragjykimet etnike dhe raciale” të cilat “ishin gabim atëherë, e janë gabim edhe sot”.
Nga ana e HBO-së është thënë se filmi do të rikthehet në këtë platformë në një datë të pacaktuar, “me një diskutim për kontekstin historik të filmit”.
I realizuar gjatë dhe pas Luftës Civile Amerikane, “Gone With the Wind”, është kritikuar për një kohë të gjatë për mënyrën se si e trajton skllavërinë.
I bazuar në novelën e Margaret Mitchell, në këtë film shfaqen karaktere të luajtura nga njerëz me ngjyra, të cilët tregohen të kënaqur me jetën e tyre dhe të cilët u rrijnë besnikë pronarëve të tyre, edhe pas heqjes së rendit skllavëror.
Pavarësisht polemikave rreth filmit, “Gone With the Wind” ka marrë 10-të cmime Oscar dhe mbetet si një ndër filmat më fitimprurës të të gjitha kohërave.
