Një hulumtim i ri ka gjetur se njerëzit, të cilët i pastrojnë dhëmbët 2-3 herë në ditë, e zvogëlojnë rrezikun e sëmundjeve dhe problemeve të zemrës.
Bakteret e gjetura në gojën e njeriut, mund të jenë shkaktare të shumë problemeve shëndetësore. Hulumtuesit kanë gjetur se higjiena e dobët e dhëmbëve, gjithashtu e rrit rrezikun e prekjes nga kanceri i pankreasit dhe i ezofagut.
Mirëpo, në studimin e fundit, sugjerohet që ekziston një lidhshmëri edhe në mes të higjienës orale dhe shëndetit kardiovaskular.
“Higjiena e dobët orale mund të shkaktoj inflamacione, të cilat çojnë në çrregullime të zemrës”, tha Dr. Song, autor i këtij hulumtimi.
Studimi është prezantuar në “European Journal of Preventive Cardiology”, dhe është bërë nga Universiteti i Seulit në Korenë Jugore.
Sipas hulumtuesve, nevojiten ende studime të mëtutjeshme, për të përforcuar teorinë dhe lidhshmërinë në mes të inflamacionit oral dhe shëndetit të zemrës.
