Historitë e lobimeve të Rugovës, Bukoshit, Thaçit dhe Haradinajt

Në raportet që janë deponuar në Kongresin amerikan shihet që Kosova kishte nisur lobimet në SHBA që në kohën e lëvizjes paqësore.

Në vitin 1995 “Arnold & Porter” ishte firma e parë që kishte lobuar për Kosovën në SHBA. LDK-ja atë botë e pagoi afro 3 mijë dollarë. Do të shkrepej një fotografi e Presidentit Rugva në atë vit në Amerikë.

Një vit më vonë Qeveria e Kosovës në Ekzil do të angazhonte kompaninë “Ruder Finn”. E pagoi mbi 100 mijë dollarë. Dhe një vit më vonë të njëjtësi i dha mbi 30 mijë dollarë.

Për vitet tjera deri në vitin 1999 do të mbetej si lidhje  e Kosovës me SHBA-të një etnitet i regjistruar si “Tirana, Bardyl R.”, por që pagesat për të ose ishin simbolike ose nuk janë të deklaruara. Njëjtë ndodhi edhe me një firmë tjetër të angazhuar nga Qeveria e Kosovës në atë kohë, me emrin “ëashington International Group”, por ajo në një rast u pagua mbi 150 mijë dollarë.

Në vitin 1999 Qeveria e Bukoshit do ta angazhonte kompaninë e Frank G. Wisnerit, Patton Boggs e cila në një rast e pranon që ka marrë mbi 25 mijë dollarë, por në raporte e më vonshme nuk përmenden shifrat.

Pas çlirimit të Kosovës nga ndërhyrja e NATO-së, në vitin 2000 Ramush Haradinaj do të angazhonte ish-Kongresmenin DioGuardi për lobim në emër të tij. Edhe në këtë raport është shmangur përndaj e vlerave financiare.

Po pa përmendur vlerat financiare, në këtë vit ishte angazhuar nga Qeveria e Kosovës për lobim edhe ëisneri. Atë vit Hashim Thaçi do të takohej me kongresmenë në SHBA. Në prill të atij viti BBC-ja do të botonte një artikull me titullin “Kosova e turthuruar në haraç” ku figurë kryesore negative ishte Hashim Thaçi. Qeveria e tij e përkohshme akuzohej që qëndronte prapa haraçit, derisa atë vit edhe Ganiu, vëllai i tij i madh problematik edhe në vitin 2018, ishte kapur me një duq parash prej mbi 250 mijë dollarësh që nuk i shpjegonte dot. Ky rast mbetet mister edhe sot.

Në këtë vit Ramush Haradinaj do të tërhiqej nga jeta ushtarake për ta formuar Aleancën për Ardhmërinë e Kosovës që e drejton edhe sot.

Dhe lobime do të vazhdonin. Kështu nga këto vite deri në vitin 2003 do të ishte Presidenti Ibrahim Rugova që do të prekej nga Lobimi. U angazhuan firma si “Piper Rudnick” për të cilën nuk dihet se sa u pagua e deri te “Alston & Bird” për të cilën në vitin 2003 paraqite dy fatura, njëra mbi 60 mijë dollarësh e tjetra mbi 230 mijë dollarë të paguara te ta. Ibrahim Rugova do të bënte atë vit një vizitë në SHBA.  “Alston & Bird” edhe një vit më vonë do të merrte një shumë prej 30 mijë dollarësh nga Kosova.

Dokumentarin e plotë nga InDoks mund ta shikoni këtu: