fbpx

Honda me detaje të reja të modelit të saj të parë elektrik

Honda me detaje të reja të modelit të saj të parë elektrik

Prodhuesi japonez do të ofrojë modelin e saj të parë elektrik për konsumatorët në Evropë deri në fund të vitit, kryesisht për ngasje në zonat urbane.

Prototipi Honda E u paraqit në panairin e Gjenevës dhe versioni i prodhimit nuk do të jetë shumë i ndryshëm nga ky automjet.

Honda ka njoftuar se makina që do të shfaqet më vonë këtë vit në shitje do të përdorë bateri litium-jon me kapacitet prej 35.5 kWh.

Bateritë ndodhen nën dysheme të makinës, midis rrotave të përparme dhe të pasme, dhe inxhinierët e Hondës arritën shpërndarjen ideale masive në boshtet, 50:50, transmeton KosovaPress.

Tani për tani, fuqia e elektromotorit nuk dihet, por dihet se do të transferohet në rrotat e pasme.

Honda njoftoi se bateritë mund të ngarkohet duke përdorur mbushësin Tipi 2 AC, si dhe ngarkuesin e shpejtë “CCS2 DC”, në sajë të të cilit arrin deri në 80% kapacitet brenda gjysmë ore.

Bateritë sigurojnë një autonomi prej rreth 200 km, e cila është e mjaftueshme për përdorim të përditshëm në zonat urbane, por edhe për ekskursione më të shkurtra jashtë qytetit, thonë prodhuesit japonez.

Honda ende nuk e zbulon datën e lansimit të kësaj makine në tregun evropian, dhe sipas kompanisë, 31.000 blerës të interesuar në Evropë janë regjistruar tashmë në librin e rezervimit.