Kryeministri i Kosovës, Avdullah Hoti, ka folur për hapat e radhës në menaxhimin e pandemisë Covid-19, njofton Insajderi.
Ai gjatë një konference për media, ka thënë se “fillimisht gjendja është nën kontroll, dhe se janë rritur kapacitet për menaxhimin e Covid -19 në nivel vendi”.
Si pasojë e kësaj gjendje, qeveria në koordinim me Ministrinë e Shëndetësisë dhe IKSHP, ka vendosur që, “të vazhdohet edhe më tej me këto masa, por që do të kërkohet respektim rigoroz nga ana e inspektoratit.
Tutje Hoti ka shtuar se “masa të reja do të përpilohen nga java tjetër, për të qenë më të gatshëm në festat e fundvitit”.
Hoti gjithashtu ka folur edhe për sigurimin e vaksinës anti-Covid, ku ka thënë se “po punohet në disa fronte për këtë qëllim.
“Jemi në kontakt me OBSh, me partnerë te Kosovës dhe me kompani që janë të licencuara për çështjen e vaksinës”, ka përfunduar Hoti./Insajderi.com
