Shefi i Grupit Parlamentar të LDK-së, Avdullah Hoti, ka thënë se është obligim kushtetues që Kuvendi të mblidhet kur e kërkon një e treta e deputetëve.
Përmes një postimi në Facebook, ai ka thënë se Kryetari i Kuvendit e ka obligim që sipas kërkesës së 40 deputetëve të autorizojë dikë nga nënkryetarët e Kuvendit.
“Seanca e jashtëzakonshme e Kuvendit të Kosovës, e kërkuar nga opozita, u anulua. Është obligim kushtetues që Kuvendi të mblidhet kur atë e kërkojnë një e treta e deputetëve. Kryetari i Kuvendit e ka obligim të krijojë kushtet për mbajtje të seancës sipas kërkesës të 40 deputetëve. Ai e pamundësoi mbajtjen e seancës duke mos e hapur seancën në orën e kërkuar, si dhe duke mos e autorizuar asnjërin nga të pesë nënkryetarët e Kuvendit”, ka shkruar ai.