Kandidati për kryeministër i LDK-së, Avdullah Hoti, ka zbuluar se kryeministri në largim, Isa Mustafa, nuk do të jetë në listën e kësaj partie për deputet.
Ai ka thënë se bartës i listës do të jetë ai. Hoti ka thënë se duhet të pritet deri në finalizimin e listës sot në orën 24:00.
“Jo, zotëri Mustafa nuk është në listë. Unë do t’i prijë listës. E tëra që mund të ju them është se do të befasoheni me listën e profesionistëve që do të bëjë LDK. Ndërkohë për Vjosa Osmanin, duhet të presim përfundimin e listës. Sot do të finalizohet ajo”, ka thënë Hoti ne emisionin “Komiteti”, të Gazetës Express.
Ndërkohë, ish-deputeti i Lidhjes Demokratike të Kosovës, Shpejtim Bulliqi, më herët kishte treguar se nuk do të propozohet nga LDK-ja për deputet që sipas tij është një ndëshkim për shkak të kundërshtimeve të demarkacionit./Insajderi.com
