Kryetari në detyrë i PDK-së, Enver Hoxhaj, ka takuar sot Përfaqësuesin Special për Ballkanin Perëndimor, nga Ministria e Punëve të Jashtme e Norvegjisë, Arne Sannes Bjornstad dhe ambasadorin e Norvegjisë në Kosovë, Jens Erik Grondahl, njofton Insajderi.
Hoxhaj ka thënë se ndër çështjet kryesore të takimit, temë ishte edhe dialogu Kosovë – Serbi, përfundimi i të cilit, sipas Hoxhajt, duhet të jetë njohja reciproke, për të mirën e të dyja vendeve.
“Bashkë me Sekretarin e Përgjithshëm të PDK-së, Uran Ismaili, pritëm sot në takim Përfaqësuesin Special për Ballkanin Perëndimor, nga Ministria e Punëve të Jashtme e Norvegjisë, Arne Sannes Bjørnstad dhe ambasadorin e Norvegjisë në Kosovë, Jens Erik Grøndahl.
Ndër çështjet kryesore të takimit, temë ishte edhe dialogu Kosovë – Serbi, përfundimi i të cilit duhet të jetë njohja reciproke, për të mirën e të dyja vendeve. I falënderuam për përkrahjen e vazhdueshme dhe të parreshtur të Norvegjisë ndaj Kosovës dhe për fuqizimin e bashkëpunimit të mëtutjeshëm”, ka shkruar Hoxhaj në Facebook./Insajderi.com
