Hoxhaj flet për darkën me mish dhe birra në Mitrovicë, ku mori pjesë edhe Agim Bahtiri

Hoxhaj flet për darkën me mish dhe birra në Mitrovicë, ku mori pjesë edhe Agim Bahtiri

Zëvendëskryeministri i Kosovës, Enver Hoxhaj në Rubikon të KTV-së ka folur edhe për darkën private të ftuar nga Kadri Veseli, si dhe për idenë e bashkimit të Mitrovicës.

Ai thotë se nuk ka diskutuar me kryetarin e Mitrovicës, Agim Bahtiri për idenë e tij për të bashkuar këtë qytet.

Megjithatë, ai ka theksuar se nuk ka koordinim për këtë temë.

“Nuk kam arritur të flasë me Bahtirin se si e ka menduar një proces të tillë. Por, derisa ne jemi në dialog duhet të shohim interesimin e qytetarëve, dhe mund të formojmë një mendim të prerë. Nëse ne duam që realisht ta kemi një politikë të mirëfilltë hapat e tillë duhet të jenë të koordinuara, dhe nuk kam dëgjuar se ka një koordinim të tillë as me kryeministrin, as me kryekuvendarin e as presidentin”, ka thënë Hoxhaj.

Ai ka përmendur edhe darkën e organizuar në Mitrovicë nga Kadri Veseli.

“Ajo ishte një darkë private, kurse atë e ka ftuar kryetari Veseli. E Bahtiri ishte i ftuar aty në darkë, por s’kemi diskutuar asgjë rreth kësaj”, ka thënë Hoxhaj.