fbpx

I dehuri del me tank në mes të qytetit, terrorizon banorët e një lagjeje

I dehuri del me tank në mes të qytetit, terrorizon banorët e një lagjeje

Një burrë i dehur ka terrorizuar banorët e një lagjeje në Poloni duke u shfaqur me tank në mes të rrugës.

Oficerët arritën në qytetin e Pajeczno pasi morën një telefonatë në mesnatë: “Një tank T-55 zbarkoi në rrugën kryesore”.

Ata gjetën tankun e parkuar dhe një burrë të dehur rreth 49 vjeç, të ulur në ulësen e shoferit.

Siç rezulton, ai kishte qenë i autorizuar për të drejtuar automjetin luftarak. Eprorët i kishin thënë ta dërgonte tankun në servis me rimorkio pasi ishte dëmtuar, në vend që ta ngiste nëpër qytet.

Ata gjithashtu prisnin që të qëndronte esëll ndërkohë që drejtonte tankun e blinduar 36 ton.

Policia nuk ishte në gjendje të merrte tankun nga rruga deri në orën 5 të mëngjesit.

Alkooli mund t’i kushtonte shoferit dy vjet pas hekurave për drejtim në gjendje të dehur, dhe deri në tetë vjet burg për krijimin e një situate të rrezikshme./oranews