Kryetari i Lidhjes Demokratike të Kosovës, Isa Mustafa, ka kritikuar Ministrinë e Jashtme që drejtohet nga Meliza Haradinaj-Stublla e Aleancës për Ardhmërinë e Kosovës për emërime të konsujve pa koordinim me kryeministrin e Kosovës, Avdullah Hoti.
Flakroni, djali i deputetit të AAK-së, Haxhi Shalës, u emërua konsull i Republikës së Kosovës në Pragë.
Për këtë emërim kryeministri, Avdullah Hoti, kishte deklaruar se nuk ka qenë i informuar.
Kjo qasje sipas Mustafës është e gabuar dhe duhet të eliminohet e korrigjohet.
“Thuhet se nuk është rast i vetëm. Nga një diplomat u informova se edhe në konsullatën e Frankfurtit është vepruar njëjtë, qe flet për mungese koordinimi të MPJ me Qeverinë ne marrje te vendimeve. Kjo praktike duhet te eliminohet dhe të korrigjohet. Nuk duhet te mungoj as dhënia e përgjegjësisë”, tha Mustafa për gazetën Objektivi.
Të enjten u.d e presidentes, Vjosa Osmani, mori vendim për shkarkimin e Flakron Shalës nga ajo pozitë. /Insajderi.com.
