Lideri i Lidhjes Demokratike të Kosovës, Isa Mustafa, ka kritikuar paralajmërimin e Lëvizjes Vetëvendosje për pengimin e seancave ku i pranishëm është Driton Selmanaj.
Ai ka thënë se “vetëgjyqësia” në sallën e Kuvendit është e papranueshme.
“Vetëgjyqësia në sallën e kuvendit, qoftë e individëve apo e një partie politike është e papranueshme dhe ligjërisht e patolerueshme. Një sjellje e tillë është jodemokratike, është banditeske. Iu nevojiten vetëm edhe bishtat e sakicave te Shpejtim Bulliqit”, ka thënë Mustafa për Periskopin.
Ndërsa për Saranda Bogujevcin, Mustafa tha se ajo gëzon respektin e tij dhe të gjithë Lidhjes Demokratike të Kosovës. /Insajderi.com