fbpx

“Je si grua”, komenti i Molliqajt nxiti reagimin e grave të shoqërisë civile

“Je si grua”, komenti i Molliqajt nxiti reagimin e grave të shoqërisë civile

Komenti i kandidatit për deputet nga radhët e koalicionit AAK-PSD, Dardan Molliqajt ku i thotë, anëtarit të Vetëvendosjes, Haki Abazi “je si grua”, ka nxit reagim tek gratë e shoqërisë civile.

Adelina Berisha nga Rrjeti i Grupit të Grave ka reaguar përmes një postimi në llogarinë e saj në Facebook, ajo ka bërë thirrje politikanëve që të kenë kujdes për gjuhen që e përdorin në debate televizive.

“Amani ju kofte, kursene veten e folni ma pak, dilni ma pak n’televizor, se ju ka dal boja, e neve o ka na vjen marre per ju. Pe dijme qe diqysh, pak me hir e me pahir do prej jush keni me na lodhe edhe 4 vitet e ardhshme, po bile qito dite munonu me na follirat kishe jeni pak ma te meqem, se deshprimi na myti hala pa ju pa t’ulun n’karrika. Edhe po, mos menoni qe e hajm foren qe e keni per ne, jeni krejt oportunista, qe me aderimet e koalicionet e juja na e keni bo me kuptu sa ju nin per vendin. Fatkeqesisht ne mesin e shume juve qelbsirave, po duhemi me zgjedh ate qe qelbet me pak”, ka shkruar Berisha.

“Fol most u tut, cka po bohesh si gru!”, i kishte thënë Molliqaj, Abazit në emisionin Pressing në T7, debat ky që përfundoi me përleshje fizike në mes të Abazit dhe Molliqajt.

“Ti je një servil dhe profiter, asgjë më shumë. Që ke hy në Vetëvendosje me premtimin se ke me u bë ministër dhe kryetar i Ferizajit”, i ka thënë Molliqaj, Abazit. /Insajderi.com