Disa njerëz i kanë zili të famshmit, famën, paratë dhe bukurinë e tyre. Por jo gjithçka në jetën e tyre është po aq glamuroze sa tapeti i kuq i eventeve prestigjioze. Ne jemi të sigurt se askush nuk do të donte të ishte në këpucët e Charlize Theron, nëna e së cilës qëlloi burrin para saj.
45-vjeçarja Charlize Theron është një nga aktoret më të famshme dhe të bukura në Hollywood e cila gjithashtu ka një “Oskar”, një “Glob të Artë” dhe çmime të tjera.
Babai i saj ishte një alkoolist dhe shpesh rrihte nënën e saj. Dhe kur ylli i ardhshëm i filmit ishte 15 vjeçare, gjatë një prej përleshjeve të tyre, babai i saj filloi të qëllonte me armë në ajër, duke kërcënuar gruan e tij dhe Charlize, njofton Insajderi. Durimi i nënës së saj kishte marrë fund, kështu që ajo mori armën e saj dhe qëlloi burrin e saj. Ajo që bëri u konsiderua të ishte vetëmbrojtje dhe nuk kishte asnjë akuzë kundër saj.\
Në moshën 15 vjeçare, Theron fitoi gjithashtu një konkurs modelimi dhe siguroi një kontratë njëvjeçare me një agjenci modelimi dhe udhëtoi nëpër Evropë. Më vonë, ajo hyri në një kolegj koreografik sepse dëshironte të bëhej valltare e baletit. Por në moshën 19 vjeçare, një dëmtim në gju i dha fund karrierës së saj. Pas kësaj, ajo shkoi në Los Anxhelos ku nuk njihte askënd, jetoi në një hotel të lirë për disa muaj dhe ishte e uritur gjatë gjithë kohës sepse nuk kishte para.
Pastaj, në vitin 1995, Theron shkoi në bankë për të arkëtuar një çek prej 500 dollarësh që i dërgoi nëna e saj. Kur bankari refuzoi, Theron filloi një skandal kaq të madh, sa që aty në atë moment ajo do të mund të fitonte një Oscar.
Por çmimi prestigjioz ishte tashmë në rrugën e saj dhe producenti John Crosby e vuri re atë. Ai ishte në gjendje të njihte talentin e saj, e ndihmoi atë të hynte në shkollën e aktrimit dhe 3 vjet më vonë, ajo luajti në filmin që e bëri të famshme botërisht (“Avokati i Djallit” me Keanu Reeves dhe Al Pacino). /Insajderi.com
Burimi: Bustle.com
