Kadri Veseli, kandidati për kryeministër nga radhët e Partisë Demokratike të Kosovës, ka prezantuar sot planin e tij për luftën kundër korrupsionit.
Kreu u PDK-së, tha se plan i tij do të nis të implementohet në 110 ditshin e parë – nëse ai merr drejtimin e shtetit.
“Plani im ka pesë shtylla: Forcimi i masave ndëshkuese ndaj të korruptuarve; pastrimi i të korruptuarve nga institucionet; parandalimi i korrupsionit; edukimi i qytetarëve në frymën e ligjit dhe zgjidhja e çështjes së mashtruesve në listat e veteranëve të UÇK-së”, ka thënë Veseli në një konferencë për media, shkruan Insajderi.
“Ky plan do ta shlirojë Kosovën nga korrupsioni”.
“Sot më lejoni t’i theksojë 7 nga pikat kryesore: Do ta krijojmë byronë antikorrupsion; do ta propozojmë një ligj kundër nepotizmit; do ta rikthejmë besimin e publikut në polici e drejtësi nëpërmjet vetting-ut; do ta themelohet fond i konfiskimit; do të krijohet një komision i përhershëm parlamentar kundër korrpusiont, ky komision të drejtohet nga opozita; për dy vjet do të legalizohen të gjitha ndërtimet pa leje; do të instalohet parimi i përgjegjësisë civile për zyrtarët publikë”.
insajderi.com