Gjithmonë ka pasur një hamendësim se si të thërritet super ylli portugez, Cristiano Ronaldo. Vetëm Cristiano apo me mbiemrin e tij, Ronaldo.
Ai gjithmonë ka veshur fanella në të cilat ka pasur të shkruar mbiemrin e tij ‘Ronaldo’ në fanellë, si me Portugalinë ashtu edhe me Manchester Unitedin dhe Real Madrid-in.
Gjithsesi, në Spanjë ai më shumë thërritet me emrin e tij, Cristiano, njofton e përditshmja spanjolle Marca.
Megjithatë vetë Ronaldo ka treguar preferencat e tij rreth kësaj çështje duke thënë që ka dëshirë qe vetëm femrat ta thërrasin ‘Cristiano’.
“Nuk e kam problem që njerëzit më thërrasin me njërin emër apo tjetrin, por më pëlqen më shumë kur femrat më thërrasin Cristiano”, ka thënë Ronaldo për Marca-n, raporton Insajderi.
Portugezi i cili ka fituar tre topa të artë në karrierë ka komentuar edhe shijet e tij muzikore duke thënë: “Në makinë hip-hopi, me shokët reggaeton”.
