Në fillim të këtij muaji, Lilly Wachowki, pas vitesh spekulime të fansave, ka konfirmuar se filmat Matrix, të cilat ajo dhe motra e saj Lana i kanë shkruar dhe u kanë bërë regjinë, janë metafora për përvojën transeksuale.
Keanu Reeves, i cili luan rolin e Neos në këtë trilogji, thotë që ai nuk e dinte këtë, mirëpo e mbështet këtë.
“Mendoj që filmat Matrix janë të thellë dhe alegoria e përdorur në ta, mund të interpretohet në versione të ndryshme. Mendoj që është një gjë shumë e mirë që Lilly e ka ndarë këtë gjë me ne.”
I pyetur nëse Matrix 4 do të ketë një mesazh të tillë alegorik, Keanu tha : “Nuk e di, mendoj që do të jetë i hapur për interpretime.”
Reeves është duke punuar në filmin e katërt të Matrix. Ai, Carrie-Anne Moss dhe Jada Pinkett-Smith, janë në rolet e tyre të vjetra, ndërsa aktorët si Yahya Abdul-Mateen dhe Neil Patrick Harris, do të luajnë karaktere të reja.
”Unë nuk e di se si të qenit trans ka ndikuar në trurin tim, kur isha duke e shkruar,” tha Wachowski për Netflix. “Ne gjithmonë kemi jetuar në një botë imagjinative. Ishte filmi që na ka ndihmuar të lirohemi si filmbërës, sepse mund të imagjinonim gjëra, që nuk i kishim parë në ekrane.”
“Jam e lumtur që njerëzit janë duke folur për filmat Matrix si një metaforë për personat trans dhe jam e lumtur që mund të jem pjesë e udhëtimit të tyre me këtë film,” shtoi ajo.
“Jam e lumtur, sepse ky ishte qëllimi origjinal. Por bota nuk ishte e gatshme atëherë për të folur hapur për këtë gjë. Sidomos bota e koorporatave të filmit.”/Insajderi.com
