Grupi “Aurora”, na kujton këngë të pavdekshme si “Lele kaçurrele”, “Lady” apo “Larg je ti”, dhe po ashtu këngëtarin kaçurrels, Ylli Valla.
Në fakt, Ylli po e përjeton vetë të qenit i infektuar me coronavirus, prej më shumë se një jave, njofton Insajderi.
Ai ka tregon se pas shfaqjes së disa shenjave të Covid-19, u paraqit në Klinikën Infektive dhe ku në analizat e bëra këngëtari rezultoi pozitiv me coronavirus.
Këngëtari rrëfen se u vetizolua me familjen në shtëpi prej ditës së martë, dhe se gjendja e tij shëndetësore është stabile, përveç disa shqetësimeve të vogla.
“Nuk kam pasur ethe dhe temperaturë, kam pasur kollë, hundë dhe djersitje. Ndërsa nuhatjen dhe shijimin nuk i ndjej më fare. Ushqehem, por nuk ndjej as shije, as aromë. Është shumë e çuditshme kjo pjesë, por po shpresoj që do të më kthehen”, tha ai në intervistë.
Sa i përket mënyrës se si ai kontraktoi virusin, këngëtari është shprehur se mund të ketë ndikuar lehtësimi i masave në Kosovë dhe hapja e aktiviteteve. Por duke qenë se ai punon në Ministrinë e Pushtetit Lokal dhe është në kontakt të drejtpërdrejtë me njerëz, nuk përjashtohet mundësia ta ketë marrë edhe në punë. /Insajderi.com