Kryeministri i Kosovës Ramush Haradinaj sot e ka shkarkuar nga detyra zëvendësministren e Drejtësisë Vesna Mikiq.
Vesna Mikiq dje kishte dhënë një deklaratë, e cila kishte nxitur reagime të shumta dhe kjo gjë ndikoi që kryeministri ta shkarkojë atë nga detyra, shkruan lajmi.net.
“Në ditën e sotme, para 20 vitesh ndaj një shteti sovran që një dekadë më herët luftoi kundër terrorizmit shqiptar në kuadër të kufijve të saj, është bërë qëllimisht gjenocid i planifikuar nga NATO”, kishte deklaruar dje Mikiq.
Vendimit të Haradinajt i është gëzuar edhe këngëtarja Leonora Jakupi, e cila ka ripostuar dokumentin me vendim për shkarkimin e zëvendësministres së Drejtësisë, të cilin e kishte postuar deputetja Ganimete Musliu.
Leonora mbi foto ka vënë një figurë të flamurit të Kosovës dhe një me duartrokitje.
