Ylli i Hollywood-it, Maya Hawke, ka folur hapur për luftën e saj me disleksinë, njofton Insajderi.
Aktorja në serialin Stranger Things foli për pengesat me të cilat u përball që në moshë shumë të re gjatë një interviste për NPR mes promovimeve të albumit të saj të parë muzikor, Blush.
Hawke detajoi luftën e saj me leximin si fëmijë dhe tha që ndërsa çrregullimi ishte “thellësisht i vështirë” për t’u trajtuar, ajo gjithashtu e konsideron atë si “një nga bekimet e mëdha të jetës time në shumë mënyra”.
“Unë u dëbova nga shkolla sepse nuk isha në gjendje të lexoja kur isha fëmijë. Shkova në një shkollë speciale për fëmijët me aftësi të kufizuara në të mësuar. Dhe më është dashur një kohë e gjatë për të mësuar të lexoj, dhe unë jam akoma e kufizuar ”, tha ajo.
“Gjëja e mrekullueshme për botën e sotme është se ka kaq shumë mundësi. Ka diçka për të pasur një kufizim në lidhje me aftësinë time për të prodhuar dhe për të kuptuar shkrimet që më bëri edhe më të vendosur për të punuar”, tha Hawke më tej.
Ajo gjithashtu lavdëroi prindërit e saj, aktorët Uma Thurman dhe Ethan Hawke, për përpjekjet e tyre për të siguruar që ajo të mbetet e motivuar.
“Por prindërit e mi bënë një punë të mrekullueshme duke më inkurajuar që të jem kreative”, shtoi ajo. /Insajderi.com
Burimi: Geo TV
