Chelsea është e gatshme për të shitur sulmuesin anglez Tammy Abraham këtë verë.
Skuadra, ku ai kaloi një vit në huazim, Aston Villa, interesohet për shërbimet e tij.
Sulmuesi shënoi një numër të jashtëzakonshëm prej 26 golash, kur luante tek Aston Villa në sezonin 2018/’19.
Atë kohë në Championship, Abraham-i e ndihmoi Villa-n që të siguronte ngjitjen në Premier League përsëri.
Edhe atëherë, Villa tentoi ta blinte Abraham-in me formulë të përhershme, por Chelsea nuk dëshironte ta shiste.
Por, tani, gjysmëfinalistët e Champions League-s e kanë vënë Abraham-in në listën e transferimeve.
Ata do të kërkojnë rreth 45 milionë euro për transferimin e tij.
Abraham nuk është në planet e trajnerit të ri të Chelsea-s, Thomas Tuchel. Ai ka startuar vetëm katër ndeshje që nga muaji janar.
Një shifër si kjo do ta bënte Abraham-in transferimin më të shtrenjtë në histori të Villa-s.
