Nëntë muaj që nga fillimi i një pandemie që nuk tregon shenja tërheqjeje, duket sikur koronavirusi ka arritur në çdo cep të Shteteve të Bashkuara të Amerikës, transmeton Insajderi.
Tre qarqe – teknikisht dy dhe një lagje – mbeten si pengesat e vetme, duke luftuar virusin dhe nuk kanë raportuar asnjë rast të Covid-19 deri më tani. Ato janë qarku Esmeralda në Nevada, Loving County në Teksas dhe Skagway në Alaska, i cili përdor termin “lagje” më shumë se “qarqe”, raporton USA Today.
Të tre janë të vendosur në distancë dhe kanë më pak se 1,100 banorë, padyshim faktorët kryesorë që i lejojnë ata të shpëtojnë nga një pandemi që ka prekur 7.9 milion amerikanë dhe ka vrarë më shumë se 216,000 të tjerë.
Esmeralda, me 826 banorë mbi gati 3600 milje katrore dhe Loving, me 169 banorë të shtrirë në 677 milje katrore, kanë popullsinë më të vogël për çdo zonë të qarqeve në Shtetet e Bashkuara të Amerikës.
Skagway është e populluar më dendur me 1,095 banorë të përqendruar në 20 blloqe, fshati ndodhet juglindore të Alaskës – afër skajit verior të British Columbia – është i rrethuar nga male dhe i arritshëm kryesisht nga ajri ose uji. Udhëtimi rrugor në Kanada është kufizuar për shkak të pandemisë.
Kur King County në Teksas regjistroi të martën infeksionin e parë të koronavirusit midis 280 banorëve të tij, ato tre qarqe u lanë si pjesët e fundit të rezistencës së pandërprerë ndaj virusit. /Insajderi.com
