Sekretari dhe njëherit ushtruesi i detyrës së kreut të OVL–UÇK-së, Faton Klinaku, ka thënë se materiali i radhës që do t’i vijë zyrave të tyre në formë të CD-së do ta quajnë ‘Pjata fluturuese’, njofton Insajderi.
Klinaku në emisionin DPT te Fidani, ka treguar se ideja për këtë emërim ishte e Nasim Haradinajt, nënkryetarit të organizatës tashmë i arrestuar.
“Kjo për shkak se CD-ja të cilën OVL e UÇK-së e presin pasi “rrufeja” i premtoi se do ta sjellë së shpejti, ka formën e pjatës fluturuese”.
“Nëse vijnë dosjet tjera në formë të CD-së, ne do t’i quajmë pjata fluturuese”, është shprehur Klinaku më pas
Tutje ai tregoi se çka do të ndodhë në rast se arrestohet edhe vetë Klinaku.
“Nëse arrestohem edhe unë, vazhdon punën tjetri”, ka thënë Klinaku.
“Jemi kryesia dhe këshilli e gjithashtu edhe degët në të gjithë Kosovën. Nëse unë arrestohem, vazhdon punën dikush tjetër pas meje”, ka thënë në fund Klinaku./Insajderi.com
