Një komentator olimpik në Greqi është shkarkuar pasi përdori komente raciste drejtëpërdrejt në emisionin e tij, shkruan Insajderi.
Dimosthenis Karmiris, gazetar me përvojë në Greqi, përdori shprehje raciste për aziatikët pasi bashkatdhetari i tij, Panagiotis Gionis u mposhtë nga Jeoung Young-sik nga Korea e Veriut në ping-pong.
Më 27 korrik, korerani mposhti grekun me rezultat 7-11, 11-7, 8-11, 10-12, 12-10, 11-6, 14-12, për të kaluar pastaj në 1/8 e finales.
Kur komentatori u pyet për lojtarët e ping-pongut të Koresë së Jugut, ai dha këtë përgjigje: “Sytë e tyre janë të ngushtë, kështu unë nuk mund ta kuptoj se si ata mund të shohin topin duke lëvizur para dhe mbrapa”.
“As their eyes are slitty, how can they watch the ball coming and going.”
It’s 2021 and this is how a presenter on Greek state broadcaster @ertofficial_ comments on Asian table tennis players. #ERTTokyo2021 #TokyoOlympics #OlympicGames https://t.co/KXIhjblHIq
— Damian Mac Con Uladh (@damomac) July 27, 2021
Karinis duket se e tha në shaka këtë gjë, por ai është përjashtuar nga transmetuesi “ERT”, nga roli i tij si komentator.
“Komentet raciste nuk kanë vend në televizionin publik. Bashkëpunimi midis ERT dhe Dimosthenis Karmiris u ndërpre sot, mënjëherë pas shfaqes në mëngjes”, thuhet në komunikatën e lëshuar nga televizioni.
Pasi mposhti Gionis në atë që shumë menduan se ishte një ndeshje klasike, Jeoung mundi gjermanin, Timo Boll në raundin e 1/8 së finales para humbjes ndaj Zhendong Fan në çerekfinalet teke për meshkuj./Insajderi.com
