Konfirmohet vdekja e kampionit të kërcimeve nga “Ura e Fshenjtë”

Konfirmohet vdekja e kampionit të kërcimeve nga “Ura e Fshenjtë”

Kryetarja e Komunës së Gjakovës, Mimoza Kusari-Lila, nëpërmjet një postimi në Facebook, ka njoftuar për vdekjen e Sali Riza Gërqinës, trupi i të cilit po vazhdon të kërkohet edhe sot.

“Dallëndyshja e Gjakovës, me fotot e tij unike, u bë lajm i shtypit e mediave më të njohura botërore duke e promovuar, kultivuar dhe vazhduar në të njëjtën kohë traditën shekullore të legjendave e trimave të shumtë të këtij sporti dhe vendit të tij”, ka njoftuar Kusari-Lila përmes një postimi në facebook.

“Saliu humbi jetën, aty ku bëri historinë, tek Ura e Fshejt. Trupi i të ndjerit ende nuk është nxjerrë nga uji, ndërsa zhytësit e FSK do të vazhdojnë kërkimin sot gjatë ditës”, thuhet më tej aty.

“Në emër të Komunës së Gjakovës, në emrin tim personal, ngushëllime familjes, shoqërisë, sportistëve dhe klubit të kërcyesve. Prehu në paqe kampion!”, ka përfunduar ajo.