Lëvizja Vetëvendosje ka reaguar lidhur me një lajm të publikuar nga portali “Indeksonline” sipas të cilit Shefi i Grupit Paralamentrat të VV-së Glauk Konjufca i kërkon BE-së të mos i heq vizat për Kosovën.
Në këtë reagim thuhet se Konjufca do ta paditë këtë mediumi për lajm të rrejshëm ndërkohë që kanë thënë se lajmi u publikua për të dëmtuar pjesëmarrjen në protestë.
“Drejtuesi i Grupit Parlamentar Glauk Konjufca do ta padisë portalin “Indeksonline” për lajmin e rrejshëm “Deputeti i Vetëvendosjes i kërkon BE-së të mos i heq vizat për Kosovën””.
“Ky lajm i publikuar në ditën e protestës, disa orë para se të fillojë, është bërë për ta dëmtuar pjesëmarrjen në protestë. Është lajm dashakeq për nga qëllimi dhe krejt i pavërtetë për nga përmbajtja”, thuhet në reagim.
