Kryetari i Kuvendit të Kosovës, Glauk Konjufca, do të qëndrojë sot për herë të parë në një vizitë zyrtare në Shqipëri pas marrjes së detyrës së kryeparlamentarit, njofton Insajderi.
Siç bëhet e ditur në agjendën e bërë publike nga ky institucion, gjatë qëndrimit në Tiranë, kreu i Kuvendit të Kosovës do të pritet në takime të veçanta nga presidenti Ilir Meta, kryekuvendari Gramoz Ruçi dhe kryetari i Partisë Demokratike të Shqipërisë, Lulzim Basha, por nuk dihet se a do të takojë edhe kryeministrin Edi Rama.
Agjenda e vizitës:
10:05-11:15 Takim me kryetarin e Kuvendit, Gramoz Ruçi
Vendi: Kryesia e Kuvendit
(Deklaratë për shtyp)
11:30-12:30 Takim me Presidentin e Republikës së Shqipërisë, Ilir Meta
Vendi: Presidencë
12:30-13:00 Takim me kryetarin e Partisë Demokratike të Shqipërisë, Lulzim Basha
Vendi: Selia e PD-së. /Insajderi.com
