Ish-ministri i jashtëm dhe anëtari i Kryesisë së Vetëvendosjes, Glauk Konjufca, ka thënë se nuk është larg një fitore, siç tha ai, dërrmuese e VV-së në skenën politike në vend, njofton Insajderi.
Sipas Konjufcës, në zgjedhjet e ardhshme ata do të fitojnë aq sa nuk do të kenë nevojë për një partner koalicioni.
“Vetëvendosje duhet t’i mbajë dhe t’i kultivojë parimet deri në një fitore e cila të tjerëve respektimin e parimeve do t’ua bëjë të domosdoshme”, tha Konjufca në emisionin ‘A Show’.
“Unë mendoj se kjo është e pashmangshme. Kjo periudhë kohore po afrohet. Është shumë afër ky moment, ky çast kur do të ndodh një fitore mendoj e cila mund të kualifikohet si dërrmuese e Vetëvendosjes në skenën politike të Kosovës”.
“Një fitore e cila është e gjithanshme edhe ndaj të cilës të tjerët më nuk mund të kenë makinacione”, ka thënë në fund Konjufca./Insajderi.com
