Ministria e Punëve të Jashtme të Kosovës, ka kërkuar nga NATO, Shtetet e Bashkuara të Amerikës dhe Bashkimi Evropian që të marrin masa ndaj Rusisë.
Kjo pas arrestimit të gazetarit kritikë, Roman Protasevich, nga autoritetet bjelloruse me ndihmën e shtetit rus.
“Putini po bëhet më agresiv, duke shfrytëzuar dobësimin e Perëndimit. Pa aprovimin e Putinit, nuk do të kishte sulme të Bjellorusisë ndaj aeroplanit. (Pa Putinin), s’do të kishte kërcënime nga Vuçiq e as 30 tanke të reja për Serbinë. NATO, SHBA dhe BE duhet të ndërmarrin veprime që të mbrojnë miqtë e tyre. Kosova është gati”, thuhet në postimin e MPJ-së.
Gazetari 26 vjeçar u arrestua të dielën nga autoritetet bjelloruse, pasi një aeroplan që po vinte nga Athina, u detyrua aterronte në territorin bjellorus, në mënyrë që më pas gazetari të arrestohej.
Nga muaji gusht i vitit të kaluar ka pasur protesta kundër Aleksandër Lukashënkos, një president që erdhi në pushtet në vitin 1994. /Insajderi.com
Putin gets more aggressive, counts on weak West. Without Putin’s approval no Belarus attack on airliner, no new threats by SRB Vučić, with 30 more tanks, 30 mil. carrier from Russia. NATO, U.S., EU must take action to protect & defend allies. 🇽🇰 Kosova stands ready. 🇺🇸🇪🇺
— MFA Kosovo 🇽🇰 (@MFAKOSOVO) May 24, 2021
